- India
- Last Update 11.30 am
- 29℃ Pune, Maharastra
अनेबलर चॅरिटेबल ट्रस्ट व लायन्स क्लबचा स्तुत्य उपक्रम
दिव्यांग पालकांच्या विद्यार्थ्यांना शालेय साहित्याचे वाटप पुणे : सामाजिक बांधिलकी जपत दिव्यांग बांधवांसाठी विविध उपक्रम राबविणाऱ्या अनेबलर चॅरिटेबल ट्रस्ट आणि लेट मीट ग्रुप अंतर्गत कार्यरत लायन्स क्लबच्या संयुक्त विद्यमाने ३७ विद्यार्थ्यांना शालेय साहित्याचे वाटप करण्यात आले. बालशिक्षण संस्थेत आयोजित या कार्यक्रमास विद्यार्थी, पालक तसेच लायन्स पदाधिकाऱ्यांची मोठ्या संख्येने उपस्थिती होती. अनेबलर चॅरिटेबल ट्रस्ट हा सुमारे १००० दिव्यांग बांधवांचा समूह असून ट्रस्टच्या माध्यमातून अन्नदान, व्हीलचेअर वाटप, वैद्यकीय तपासणी शिबिरे, रोजगार संधी उपलब्ध करून देणे तसेच थोर महापुरुषांच्या पुतळ्यांच्या परिसराची स्वच्छता राखणे असे विविध सामाजिक उपक्रम सातत्याने राबविले जातात. विशेष म्हणजे हे सर्व उपक्रम दिव्यांग बांधव स्वतः पुढाकार घेऊन राबवितात. विद्यार्थ्यांना शालेय साहित्य वाटप करण्याचा हा उपक्रम सलग तिसऱ्या वर्षी आयोजित करण्यात आल्याची माहिती ट्रस्टचे संस्थापक व अध्यक्ष अमोल शिनगारे यांनी दिली. या उपक्रमात लायन्स क्लब ऑफ पूना वेस्ट, फ्युचर, मुकुंदनगर, 21 सेंच्युरी आणि मेट्रोपोलिस या क्लबच्या वतीने २५ डझन फुलस्केप वह्या, १५ डझन १०० पानी वह्या तसेच ५० पेन, पेन्सिली आणि रायटिंग पॅडचे वाटप करण्यात आले. यावेळी बोलताना लायन सीमा दाबके म्हणाल्या की, शालेय साहित्याचे वाटप अनेक ठिकाणी केले जाते; मात्र दिव्यांग पालकांच्या मुलांसाठी हा उपक्रम राबविणे हे विशेष आणि वेगळेपण जपणारे कार्य आहे. लायन्स क्लब ऑफ फ्युचरचे लायन अशोक मेस्त्री यांनी विद्यार्थ्यांच्या कला गुणांना प्रोत्साहन देण्यासाठी चित्रकला आणि निबंध स्पर्धांचे आयोजन करण्यात येणार असल्याची माहिती दिली. या स्पर्धांमध्ये यशस्वी होणाऱ्या विद्यार्थ्यांना आकर्षक बक्षिसेही प्रदान करण्यात येणार असल्याचे त्यांनी सांगितले. लेट मीट ग्रुपचे गव्हर्नर लायन दिपक लोया यांनी अनेबलर चॅरिटेबल ट्रस्टच्या कार्याचे कौतुक करताना सांगितले की, विद्यार्थ्यांना शैक्षणिक सहकार्य करणे म्हणजे भविष्यात सक्षम नागरिक घडविण्याचे कार्य होय. अशा विधायक उपक्रमांना आमचे नेहमीच सहकार्य राहील. कार्यक्रमास लायन दिपक लोया, लायन अशोक मेस्त्री, लायन गीतांजली बागडी, लायन सुरेश मेहता, लायन धनंजय अमाडेकर, लायन रवींद्र कोठावडे, लायन सतीश राजहंस, लायन अभय गांधी, लायन सीमा दाबके, लायन सुहास दाबके, लायन प्रीती परांजपे, लायन ऋजुता पितळे आणि लायन विनायक कालेकर उपस्थित होते. कार्यक्रमाच्या शेवटी शालेय साहित्य प्राप्त झालेल्या विद्यार्थ्यांनी व त्यांच्या पालकांनी मनोगत व्यक्त करून आयोजकांचे आभार मानले. शीर्षक पर्याय : दिव्यांग पालकांच्या मुलांना शालेय साहित्याचे वाटप अनेबलर चॅरिटेबल ट्रस्ट व लायन्स क्लबचा स्तुत्य उपक्रम ३७ विद्यार्थ्यांना वह्या, पेन व शैक्षणिक साहित्याचे वितरण दिव्यांग बांधवांच्या सेवेतून शिक्षणाला बळ#unrable charitable trust, # Lionsclub, # Lionsclubinternational, # samajikaadhwa, # अनेबलर चॅरिटेबल ट्रस्ट,
Leave Comments
NFC Visiting Card
#,
0 Comments